CAGAYAN DE ORO CITY-Ipa-priso ang tanang mga empleyado sa city hall kon makit-ang sad-an sa paggamit o pagbaligya’g gidiling droga sa syudad.
Kini ang panganti ni City Mayor Oscar Moreno batok sa pipila ka city hall employees nga pabiling nalambigit sa illegal drugs activities bisan sila konektado sa gobierno.
Gihimo ni Moreno ang pasidaan nunot sa pagkasikop sa iyang empleyado nga si Janus Mark Leyson kinsa giingong akto nasapon naggamit sa gitoohang shabu sa Brgy 15 ning syudad sa miaging semana.
Si Leyson ang kabahin lamang sa ubay-ubay nang city hall employees nga nasapon tungod sa paggamit sa gidiling droga sa syudad.
