CAGAYAN DE ORO CITY-Gikaminusan lamang ni City Mayor Oscar Moreno ang pag-isa ni Pres Rodrigo Duterte sa kamot ni kanhi Dept of Agriculture o DA Undersecretary Pompee Laviña isip mayoralty standard bearer sa 2019 midterm elections sa syudad.
Miingon si Moreno nga makita sa hulagway ni Duterte ug Laviña nga daw anaa ra gihimo sa kilid sa kasilyas ang pag-isa sa kamot niini.
Nagtoo usab si Moreno nga kon gi-indorso man ni Duterte si Laviña kini tungod sa utang kabubut-on lamang sa naglabay nga 2016 presidential elections sa nasud.
Samtang wala gi-igsapayan ni Laviña kon tinood nga kilid ra sa pansayan o comfort room ang pag-indorso kaniya ni Moreno.
Miingon si Laviña nga maoy bililhon kaniya nga gisalitan kini ni Duterte aron atbangan si Moreno sa 2019 midterm elections sa dakbayan.
Dugang ni Laviña nga wala nila dauta si Moreno apan mismo kini ang nagguba sa iyang kaugalingon tungod sa daghang mga nga giatubang isip mayor sa syudad.
