CAGAYAN DE ORO CITY – Gipanghimakak ni City Mayor Oscar Moreno ang mikatag nga impormasyon nga mihangyo siya kang DoH Sec Francisco Duque nga ipaubos na sa modified enhanced community quarantine o MECQ ang syudad.
Kini tungod sa nagka-grabe nga kasong positibo sa COVID-19 sa dakbayan.
Miingon si Moreno nga dako kining bakak ug mugna lamang sa online trolls aron mosabwag sa dugang kagubot sa dakbayan.
Hinoon,giangkon sa mayor ang mga pagsaka sa kaso sa bayrus rason nga gi-ajust ang pagpatuman sa curfew hours dinhi sa dakbayan.
Hisayrang una usab misulti si Moreno nga mokuha siya’g pagtugot sa IATF nga tas-an ang ka istrikto sa syudad apan wala pa’y tubag niini sukwahi sa mikatag nga impormasyon.
