CAGAYAN DE ORO CITY – Gihangyo ni City Mayor Oscar Moreno ang media nga likayan ang mga isyu nga makadaut sa relasyon tali na sa local govt executives sa rehiyon.
Kini tungod sa Covid-19 crisis diin adunay tagsa-tagsa ka istratehiya ang matag opisyal sa pagsulbad niini.
Gibutyag ni Moreno nga dili na siya gusto nga mag-away pa sila ni Misamis Oriental Gov Bambi Emano kay ang katawhan lamang sa syudad ug lalawigan ang maapektuhan.
Gidugang niini nga mas maayo nga maghiusa ang tanang opisyal pagsumpo sa takod sa makamatay’ng virus.
Sa miaging mga semana,init ang mga pulong sa duha ka opisyal tungod sa mga akusasyon kabahin sa pagdumala sa pagpakigbatok sa coronavirus disease sa syudad ug lalawigan.
