CAGAYAN DE ORO CITY-Gitawag ni City Mayor Oscar Moreno nga ‘nuisance complaint’ ang gipasaka sa sakop sa prensa nga si Ben Tiu Contreras didto sa Ombudsman.
Kini human kasuhi ni Contreras sa ‘usurpation of authority’ si Moreno tungod sa iyang pagtoo nga gisapawan niini ang pagka-mayor ni City Vice Mayor Rainer Joaquin ‘Kikang’ Uy sa syudad.
Miingon si Moreno nga dili niya tumpangan ang mga lakang nila Contreras,Atty Rico Pajo ug kanhi Taglimao Brgy Kap William Guillani kay pag-usik-usik lamang kini sa iyang panahon.
Si Moreno nakakuha’g Court of Appeals ruling nga malakip sa consolidation of cases ang pinakaulahing pagdismiss kaniya sa Ombudsman,rason nga alang kaniya pabilin kining mayor sa syudad.
