CAGAYAN DE ORO CITY-Bisan si City Mayor Oscar Moreno ang admitado nga maglisod pagsulbad sa mga pagbaha nga moigo sa syudad.
Kini human naigo sa laing higayon sa lapad nga pagbaha ang ubay-ubay’ng brgy sa dakbayan epekto sa pag-ulan sa miaging adlaw.
Miingon si Moreno nga dili sayon ang paghupot sa dagkong pondo nga magamit sa katukuran sa drainage system alang sa syudad.
Gani,mihangyo si Moreno nga dili atakehon sa katawhan ang baha kay iya kini sa kinayahan ug dili hinimuan sa tawo.
Samtang gibasol sa DPWH-10 ang mga suliran sa road right of way kon nganong apektado ang pagtibawas nila sa anti-flood concrete drainage systems sa syudad.
Miingon si Engr Sabeniano Caliao Jr,chief sa planning and design sa DPWH-10 nga kon isibog usab nila ang mga proyekto,mosabot ang atubangon nga problema sa syudad.
Giangkon ni Caliao nga mahimo usab nila masilotan ang mga kontraktor nga pakyas masunod ang mga adlaw sa pagtapos sa mga proyekto.
Gipasalig sa DPWH-10 nga sulod ning tuiga,mahuman na ang pagtrabaho sa dagkong proyekto sa Kauswagan ug CM Recto Avenue sa syudad.
Sa pikas bahin,ipaubos sa subsob nga pagtoon ang pipila ka rekomendasyon nga naporma sa CDRRMD ug ubang ahensiya sa gobierno aron kalikayan ang pagpiot sa trapiko ug pagka-tanggong sa daghang residente kon subli magbaha ang syudad.
Kini human daghang mga pasahero ug mga motorista ang nabutang sa peligro dihang gibaha ang pipila ka bahin sa syudad sa miaging adlaw.
Miingon si CDDRMD overseer Verner Monsanto nga kabahin sa gisugyot nga lakang ang truck ban kon dunay
lapad nga pagbaha.
Gusto usab nila nga ipatuman ang lock down sa mga estudyante sulod sa mga tunghaan samtang dili pa mohubas ang pagbaha aron kalikayan mabutang sa peligro.
