CAGAYAN DE ORO CITY- Gidasig ni City Mayor Oscar Moreno ang political supporters gikan sa nagkadaiyang kampo nga hinay-hinay nang mo-abante ug dili mogamot sa pagdumot sa matag-usa.
Gihimo ni Moreno ang apelar dungan sa subli niya nga kadaugan sa pagka-mayor batok sa tulo ka kandidato nga mihagit kaniya partikular si kanhi Dept of Agriculture Undersec Pompee La Vina sa 2019 midterm elections sa syudad.
Miingon si Moreno nga angay maka-pukos na ang tanan kon unsaon nga masilbihan pa ang katawhan pinasikad sa bag-ong mandato nga nahatag kanila sa miaging piliay.
Si Moreno giproklamar isip mananaug nga mayor sa boto nga 159,172 batok La Vina nga dunay 90,834 samtang tag-libo ka boto usab sila si Dok Felix Borres Jr ug BenContreras Tiu.
