CAGAYAN DE ORO CITY-Giawhag ni Regional Peace and Order Council chairman City Mayor Oscar Moreno ang publiko nga dili angay mahadlok sa gihimong pagpangatake sa mga terorista sa Mindanao.
Kini tungod kay mas lig-on ang puwersa sa estado pinaagi sa pagtabang sa katawhan aron batukan ang mga dautang plano sa mga terorista.
Gihimo ni Moreno ang pahayag tungod sa sunod-sunod nga pagpamomba nga nahitabo sa Isulan,Sultan Kudarat diin upat ka tawo na ang namatay samtang laing kapi’g 50 ang samaron.
Masaligon si Moreno nga masikop ang mga suspek aron manubag sa salaod nga ilang nahimo.
Samtang biisan si kanhi City Mayor Vicente ‘Dongkoy’ Emano ang mibati usab sa pagka-alarma sa mga pagpamomba sa Mindanao.
Kini human gitay-og na usab sa laing pagpamomba ang Sultan Kudarat diin patay ang usa ka tawo samtang 15 ang samaron kagabii.
Miingon si Emano nga angay moabag ang katawhan sa paningkamot sa kapolisan ug militar aron dili subli mabiktima sa pagpambomba ang syudad.
Nasayran nga dugang 350 ka pulis ang gihatag sa PNP-10 aron mahatagan sa igong proteksyon ang seguridad sa syudd.
