CAGAYAN DE ORO CITY – Dili hugtan ni City Mayor Oscar Moreno ang border control sa dakbayan bisan sa kompirmasyon sa Dept of Health nga nasudlan na ang Pilipinas sa local transmission sa omicron sub-variant BA2.12.1 sa COVID-19.
Miingon si Moreno nga nakita na ang dili maayong epekto sa border lockdowns kaniadto batok pandemya,rason nga mas pilion niini ang pagpalig-on sa vaccination campaign aron panalipdan ang katawhan sa dakbayan.
Siya miingon nga dili niya gusto nga subli na usab nga mag-antos sa kakulang sa trabaho ug kinitaan ang publiko kay apektado ang ekonomiya hinungdang walay pag-usab sa border control sa syudad.
Samtang gihulat pa sa Department of Health 10 ang mga gabayan alang sa ika-upat nga dose batok sa padayong impeksyon sa COVID-19 alang sa mga senior citizen ug healthcare workers dinhi sa Northern Mindanao region.
Gibutyag ni DoH-10 Director Dr. Jose Llacuna nga may igo pa nga suplay sa bakuna aron kahatagan sa proteksyon ang katawhan sa rehiyon.
Hisayrang kabahin ang Northern Mindanao kaniadto nga nagbaton sa tag-as nga mga kaso sa bayrus apan hinay-hinay kining na-kontrol tungod sa subsob nga vaccination rollout
