CAGAYAN DE ORO CITY – Gibarugan ni City Mayor Oscar Moreno ang iyang hukom nga dili ipaubos sa lock down o enhanced community quarantine ang dakbayan.
Kini bisan adunay usa ka pasyente ang nagpositibo sa COVID-19 nga naggikan sa syudad.
Miingon si Moreno nga naila nga hospital center ang Cagayan de Oro ug dili siya makatugot nga ihikaw sa ubang tawo ang serbisyo sa Northern Mindanao Medical Center ug Jr Borja General Hospital.
Nabalaka usab ang mayor nga maparalisar ang transportasyon ug mawad-an sa panginabuhian ang mga trabahante sa mga nagkadaiyang establishimento.
Siya miingon nga mapugngan lamang ang pagkaylap sa bayrus kon magpuyo sa ilang tagsa-tagsa ka mga panimalay ang mga tawo.
