CAGAYAN DE ORO CITY – Dili supak si City Mayor Oscar Moreno sa laraw ni City Director Col Henry Dampal nga motukod sa Special Investigation Task Group o SIGT-Langam.
Kini sa tuyo nga paspas ug mapadali ang pagsulbad sa kamatayon ni RTA enforcer Mark Langam IV nga gipusil sa Brgy Puerto sa syudad sa miaging semana.
Miingon si Moreno nga gitahas niini kang Dampal ang pagsulbad sa kaso raso nga dili kini manginlabot sa diskarte sa kapolisan.
Una niini,mokuha si Moreno sa 500-mil pesos nga pondo sa panudlanan sa syudad aron ihatag sa informants makatabang pagsulbad sa kamatayon ni Langam.
Samtang dili na angayang mokuha’g pagtugot ang Cagayan de Oro City Police Office aron makaporma’g Special Investigation Task Group o SITG-Langam.
Miingon si Police Regional Office -10 Director Brig Gen Rolando Anduyan nga gusto niya nga mapadali ang pagsulbad sa kamatayon ni Langam.
Kini ang hinungdan nga gihatagan lamang niya’g usa ka semana si COCPO City Director Col Henry Dampal sa pagsikop sa suspek nga mipusil kang Langam sa miaging semana.
