CAGAYAN DE ORO CITY – Gihinaut ni kanhi City Mayor Oscar Moreno nga motigbabaw sa liderato ni City Mayor Rolando ‘Klarex’ Uy ug sa konseho ang kahapsay sa ilang pagpangalad sa katawhan sa dakbayan.
Kini ang mensahe sa kanhi mayor nunot sa pag-obsebar sa mga mahal nga adlaw sulod ning semana santa.
Gihimo ni Moreno ang pahayag nunot sa daw sinabutan sa mayor ug sa konseho nga hukasan sa katungdanan si Kag Ian Mark Nacaya isip lider sa mayoriya sa plenaryo.
Samtang mihatag usab sa iyang tubag si Kag. Roger Abaday kinsa usa sa gitumbok ni Moreno nga mihimo’g lakang aron masipa si Nacaya ug mapuli si Kag. Edgar Cabanlas.
Miingon si Abaday nga bunga ang sa imahinasyon ni Moreno ang iyang mga pagduda sulod sa konseho.
Samtang mitambag usab si Uy nga unta tinud-anay ang mensahe nga paghinuklog ug pamalandong ang giluwatan ni Moreno alang sa kasamtngang mga opisyal sa syudad.
Miingon ang mayor nga angayang palawman ang pagpamalandong ug dili hangtod sa sulti lamang.
Namahayag si Mayor Klarex nga unta masabtan ang pinakatuyo kon nganong nagbuhis kinabuhi si Kristo sa krus kaysa kutob lamang sa mga tam-is nga pulong.
