CAGAYAN DE ORO CITY – Kuyog si City Mayor Oscar Moreno sa mil- 081 ka senior citizens nga nabakunahan gamit ang Sinovac vaccines sa tulo ka venue nga gilusa dinhi sa dakbayan.
Kini human mikanaug na sa next priority list sector ang vaccination rollout gikan sa medical frontline workers sa dakbayan aron mas daghan ang mabakunahan.
Miingon si Moreno nga target sa city govt nga mapadali ang pagtibawas sa pagbakuna sa mga senior aron daghang bakuna ang mapadala sa DoH-Manila alang sa laing anaa sa listahan sa mga na-prioridad bakunahan.
Samtang gihupay ni Moreno ang kabalaka nga gibati sa ubang residente kabahin sa side effects kon masulod na sa lawas ang bakuna nga pangontra batok COVID-19.
Namahayag ang mayor nga dili angay mobati’g kahadlok ang senior citizens kay dagko’g matabang sa proteksyon ang bakuna batok sa bayrus.
Siya miingon nga himoon ang iyang 2nd dose sa Mayo 26 samtang miapelar usab kini nga dili ihunong ang pagsul-ob sa face mask ug shields bisan kon natupukan na sa bakuna.
Gihimo ang vaccination rollout sa senior citizens sa JR Borja City Hospital, SM Downtown ug Bulua National High School kagahapong adlawa.
