CAGAYAN DE ORO CITY-Dili diktar sa politika ang motibasyon kon nganong gikasuha’g plunder ni Michael James Pada si
City Mayor Oscar Moreno sa Ombudsman.
Kini human gikuwestiyon ni Pada ang giingong tunga sa bilyong gasto sa classroom constructions nga nagamit sa Moreno administration.
Miingon si Pada nga nagtoo siya nga mohimo’g kabag-uhan si Moreno sa mga katukuran sa school classrooms apan giingong padayon ang mga overpricing niini.
Nangugat si Pada nga wala siya gamita sa mga politiko nga kaatbang ni Moreno sa taliabot nga piliay sa syuudad.
Samtang gihagit niMoreno ang iyang mga kontra sa politika nga mosundayag sa lig-ong mga ebedensiya kabahin sa pasangil nga overpricing sa gitukod nga mga tunghaan sa syudad.
Reaksyon kini ni Moreno nunot sa kasong plunder nga gisapaka sa media practitioner sa Ombudsman batok kaniya.
Miingon si Moreno nga sukwahi sa pasangil ni Michael James Pada,miagi sa ensaktong proseso ang paglugwa sa pondo nga gigamit sa katukuran sa mga tunghaan sa syudad sugod tuig 2013.
Nagtoo si Moreno nga mga kaatbang niya sa politika ang nagpaluyo kang Pada sa maong kaso.
