CAGAYAN DE ORO CITY-Napakyas ang kampo ni City Mayor Oscar Moreno nga i-kumbensir ang Sandiganbayan nga mabasura ang kasong kriminal nga gipasaka batok kaniya sa Ombudsman.
Miingon si City Councilor Leon Gan nga wala motoo ang korte sa argumento nga gigamit ni Moreno aron mahatag kanila ang hukom sa gisang-at nga motion to quash sa kaso.
Si Gan miingon nga tungod niini,basahan si Moreno sa iyang sumbong tungod sa kasong graft and corrupt practices o Republic Act 3019 sa Hunyo ning tuiga.
Samtang wala matarog si City Mayor Moreno sa kasong kriminal nga gipasaka sa Ombudsman sa Sandiganbayan.Kini bisan nga siya basahan sa korte sa maong sumbong sa petsa 29 sa Hunyo ning tuiga.
Miingon si Moreno nga dili makaapektar sa iyang pag-alagad sa katawhan ang padayong pagpanglutos sa mga sakop sa iyang mga kontra sa politika.
Si Moreno ang unang gikasuhan ni kanhi Puntod Brgy Kap Marvin Beja sa Ombudsman sa pagrenta balor 175-mil pesos nga bodega alang sa mga boxer apan wala giagi sa aprobal sa konseho sa syudad tuig 2013.
