CAGAYAN DE ORO CITY – Gipadumduman ni City Mayor Oscar Moreno ang brgy kapitanes nga ihunong ang pagpangayo’g bayad sa ihatag nga travel pass ngadto sa mga residente ning syudad.
Gihimo sa mayor ang pasidaan dihang may report nga nakaabot kaniya nga may pipila ka brgy nga nangayo’g bayad bugti sa travel pass nga gipangayo sa katawhan aron makahimo sa ilang mga lakaw.
Miingon si Moreno nga suportado niini ang travel pass batok COVID-19 apan iyang gidili nga mangayo’g bayad gikan sa katawhan.
Samtang andamm na ang gimugna nga team ni Moreno alang sa unified community quarantine nga mohatag seguridad dili lamang sa syudad apan bisan sa Misamis Oriental ug lima ka lungsod sa Bukidnon.
Kini human gikompirmaha sa mayor nga naporma na ang operational guidelines apan nagkinahanglan pa sa pag-uyon ni Gob Bambi Emano ayha ipatuman.
Miingon si Moreno nga tumong niini nga dili magbaton sa positibong kaso sa coronavirus ang katawhan sa syudad ug lalawigan.
