CAGAYAN DE ORO CITY-Gihimakak sa solid political supporter ni City Mayor Oscar Moreno nga si Gusa Brgy
Kapitan Marlo Tabac nga siya ang mopapili pagka-presidente sa Association of Brgy Councils o ABC sa syudad.
Kini bisan migawas ang ngalan ni Tabac aron i-atbang sa brgy kapitan nga ituboy sa grupong Padayon Pilipino sa ABC
election sa Agosto ning tuiga.
Miingon si Tabac nga maoy inisyal nga nauyunan nila nga ipadagan si reelected Brgy
Carmen Kapitana Lorna Uy sa maong piliay.
Samtang dili apektado ang mga programa ni City Mayor Oscar Moreno bisan kon kinsa pa ang sunod mapili nga presidente sa Association of Brgy Councils o ABC ning syudad.
Namatud-an kini ni Moreno bisan kon si ABC President Kag Alam Lim gikan sa grupong Padayon Pilipino ang nag-representar sa kapitanes sa city council sa syudad.
Gani,i-aktibo ni Moreno ang city brgy assistance center aron epektibo matunol ang serbisyo sa katawhan sa syudad.
