CAGAYAN DE ORO CITY – Gihingusgan karon sa grupong Remove Ocon Movement ang ilang kampanya aron mapalagpot si City Councilor Zaldy Ocon isip magbabalaod sa syudad.
Gibutyag ni Remove Ocon Movement spokesperson Nonoy Ilogon nga dili angay palabyon ang gihimo ni Ocon nga pagbalikas sa 90-anyos nga si kanhi City Mayor Ruben Canoy sa VIP hotel niadtong milabayng semana.
Matud ni Ilogon usa ka dili makiangayon ang gihimo sa maong kagawad nga pagbinastos sa naka wheelchair nga kanhi mayor.
Tungod niini, naglusad sila sa signature campaign aron ipanawagan ang pagluwat ni Ocon sa serbisyo sa syudad.
Samtang bukas ang Bombo Radyo sa panig ni Ocon.
Samtang dili duphan ni City Mayor Oscar Moreno kon unsa man ang kakulangon o kasaypanan ni Ocon diin unang gikabangi si Canoy ning syudad.
Miingon si Moreno nga wala siya’y pagdapig kang Ocon bisan nga alyado pa niya kini sa politika.
Giangkon ni Moreno nga napaminaw na niini ang duha ka panig diin gihatagan niya’g panahon nga makapamaladong aron sa sunod nga mga lakang.
Una niini,gusto sa pamilyang Canoy nga ipapriso si Ocon tungod sa gihimo niini ngadto sa 90 anyos nga si Canoy sa miaging semana.
