CAGAYAN DE ORO CITY – Daw mibati na’g kasuko si City Mayor Oscar Moreno kon nganong pabiling anaa pa gihapon sa medical frontliners ang vaccination rollout dinhi sa dakbayan.
Kini bisan nga naghatag na siya’g mando nga ihunong na tungod sa grabeng palusot gikan sa pipila ka brgy aron mahatagan sa prioridad.
Miingon si Moreno nga angay sundon sa iyang mga tinahasan ang kasuguan aron dili sila magka-problema.
Gusto sa mayor nga makapangandam na ang syudad alang sa pagbakuna sa senior citizens rason nga gipahunong na niini ang vaccination rollout sa medical frontline workers.
Hisayrang sa unang hugna sa vaccination,dunay 10 ka city hall employees ang nasapon nga nagpa-bakuna bisan nga wala sa listahan sa mga prioridad.
