CAGAYAN DE ORO CITY – Gidepensa ni City Mayor Oscar Moreno kon nganong wala pa’y negosasyon ang syudad sa mga kompanya sa bakuna alang sa vaccination program kontra COVID-19.
Kini human unang gitahasan sa IATF ang LGUs nga makahimo’g pagpalit sa ilang kaugalingong nga gamiton alang sa katawhan.
Gibutyag ni Moreno nga gusto niya nga plastado ug dili dinali-dali ang programa aron lamang makabaton sa mga bakuna.
Daghan na ang mga syudad sa nasud nga nakig-kontrata sa Astrazeneca aron makakuha’g advance supply sa mga bakuna kaysa mohulat sa national govt.
Una niini,may mga syudad na sa Northern Mindanao nga nakakuha’g negosasyon sa maong kompanya aron makakuha sila’g advance supply sa bakuna alang sa ilang libuang mga residente.
Una nang gibutyag sa mayor nga anaa sa 300 hangtod 500 milyon pesos ang igahin nga pondo alang sa vaccination program.
Samtang gikompirmar ni ABC President Kagawad Alam Lim ang stand by fund nga balor sa P180-million alang sa pagpalit sa 1-million dozes alang sa bakuna batok COVID-19 sa syudad.
Gihimo ni Lim ang pahayag human na-uyunan sa konseho nga tun-an ug maayo asa mokuha sa dugang pondo ug kon kinsa ang unang mga pasyente nga hatagan sa bakuna.
Hisayran nga nag-una ang syudad ang nag-unang lugar nga may taas nga kaso sa local transmission ubos sa rehiyon.
