CAGAYAN DE ORO CITY – Gisakmit ni incumbent Cagayan de Oro City Mayor Oscar Moreno ang pasidungog nga ‘outstanding local chief executive of the Philippines’ ning tuiga.
Kini alayon sa gihimong Gawad Parangal Award sa Association of Local Social Welfare and Development Officers of the Philippines Incorporated o ALSWDOPI ubos sa highly urbanized city category for Mindanao Island.
Nakuha kini ni Moreno tungod sa iyang strong political will nga nag-resulta sa maayong pagpatuman sa mga programa sa social welfare and devt nga gitumong sa ikalambo ug kaayuhan sa katawhan sa dakbayan.
Dawaton personal sa mayor ang maong pasidungog sa Gawad Parangal Awarning Ceremony diin takdo usab sa ika-25 ka tuig sa National Social Welfare and Development Forum and General Assembly sa SMX Pasay City sa Hunyo 25 ning tuiga.
Tunulan usab sa plaki sa pag-ila si acting CSWD officer Teodoro ‘Teddy’ Sabugaa Jr isip ‘outstanding local social welfare and devt officer of the Philippines,dept head category for the highly urbanized city for Mindanao.
Apil usab si Meriam Caducoy kinsa social welfare officer 3 ang giila sa ‘outstanding local social welfare and development officer of the Philippines’, rank and file category for the highly urbanized city for Mindanao Island.
