CAGAYAN DE ORO CITY-Gikasuhan sa kurapsyon sa Ombudsman si kanhi Misamis Oriental governor ug karon
City Mayor Oscar Moreno sa Sandiganbayan.
Kini may kalabutan sa pag-renta ni Moreno sa heavy equipment sa pipila ka kompanya nga wala moagi sa public bidding sa mga tuig 2007 hangtod 2012.
Kini human wala hatagi’g gimbug-aton sa Ombudsman ang argumento sa kampo ni Moreno ingon man sa laing pito ka department heads kaniadto sa kapitol probinsyal.
Miingon ang kanhi complainant sa kaso nga si Engr Antonio Nuniez nga kabahin lamang kini sa daghan pang kasong kriminal nga anaa sa Ombudsman nga gipasaka didto sa Sandiganbayan.
Una niini,wala usab hatagi’g pabor sa Sandiganbayan 2nd division ang omnibus motion nga giduso sa kampo ni Moreno
aron ibasura ang kasong gipasaka sa Ombudsman batok kanila may relasyon sa maong transaction.
Samtang gibarugan ni Moreno nga napuslan sa katawhan ang transactions nga gisudlan nila samtang gobernador pa siya sa Misamis Oriental.
.Kini sukwahi sa gipamugos sa Ombudsman nga nakig-kunsabo si Moreno ngadto sa pipila ka
kompanya samtang nag-renta sa heavy equipment aron daghang kadalanan sa lalawigan.
Miingon si Moreno nga wala na na kini makurat sa laing duha ka kasong kriminal nga napasaka sa Ombudsman sa
Sandiganbayan.
Nanganti si Moreno nga atubangon ang mga kaso ilabina nga bana-banang 24 ka ihap niini ang
ipasaka sa Ombudsman sa laing-laing division sa Sandiganbayan.
