CAGAYAN DE ORO CITY-Gikasuhan sa Ombudsman sa laing siyam ka ihap sa kasong kurapsyon si City Mayor Oscar Moreno didto sa Sandingabayan.
Miingon ang Ombudsman nga kini subay pa gihapon sa kuwestiyonable nga rental contract sa heavy equipment samtang gobernador pa si Moreno sa Misamis Oriental.
Namugos ang Ombudsman nga gikasuhan nila Sandiganbayan si Moreno kay disbintaha alang sa katawhan ang paglugwa niini sa tres punto 55 milyon pesos nga pondo isip rental sa maong kagamitan.
Nasayran nga ang maong kaso ang tinubdan sa 24 ka dismissal orders nga gilugwa sa Ombudsman batok Moreno.
Apan pulos kini napugngan sa korte ug gikonsiderar nga ‘consolidated cases’ na nga atua sa Court of Appeals-Manila.
