CAGAYAN DE ORO CITY-Gi-sukwahi ni City Mayor Oscar Moreno ang pahayag sa Special Investigation Task Group o SITG-Rotoras nga nasulbad na ang kasong pagpatay kang USTP President Dr Ricardo Rotoras sa syudad kapin upat ka bulan na ang nakalabay.
Kini human gibutyag sa SITG-Rotoras nga nakasuhan na ang usa sa mga hitmen nga si Junrey Gumanay sa murder apan pakyas pagtumbok sa mastermind sa kamatayon ni Rotoras.
Miingon si SITG-Rotoras spokesperson Supt Mardi Hortillosa nga tungod niini,gimanduan ni City Police Director Sr/Supt Nelson Aganon nga e-back track ang imbestigasyon aron ma-rebyo ang kahimtang sa kaso sa biktima.
Nasayran nga gisupak sa magsoong Rotoras ang baruganan sa SITG nga nasulbad na ang kaso ni Dr Rotoras kinsa gipusil-patay niadtong Disyembre 2,2017.
