CAGAYAN DE ORO CITY – Gitawag ni City Mayor Oscar Moreno nga ‘tunto’ si Misamis Oriental Provincial Task Force on COVID-19 chairman Dr Jerie Calingasan.
Kini human wala magustuhi ni Moreno ang palisya nga gipatuman sa lalawigan sa mga tawo nga mosulod-gawas samtang gipakig-batukan ang COVID-19.
Miingon si Moreno nga daw ‘kidnapping o abduction’ na ang gihimo ni Calingasan sa katawhan rason nga mibati siya’g kalooy sa katawhan.
Nasuko si Moreno kang Calingasan sa pasangil nga utok kini pagsumbong sa hotline 8888 kay giingong wala nagpakabana sa COVID-19 situation sa syudad.
Samtang gikadismaya ni Misamis Oriental Provincial Task Force on COVID-19 chairman Dr Jerie Calingasan nga daw kulang ang lakang gipakita ni Moreno aron pugngan ang pagsaka sa kaso sa COVID-19 ning syudad.
Kini ang rason kon nganong mas gi-istrikto pa ang rekisito nga angay sundon sa mga biyahidor ilabina gikan sa syudad aron dili matakdan ang katawhan sa lalawigan.
Miingon si Calingasan nga dili dautan ang tumong sa hugot nga health security protocols nga gipatuman ni Gob Bambi Emano apan intensyon niini nga panalipdan ang katawhan sa syudad ug lalawigan kontra bayrus.
