CAGAYAN DE ORO CITY – Ipatuman gihapon ni City Mayor Oscar Moreno ang pagpasul-ob sa face mask,physical distancing ug paghugas kamot sa katawhan ning syudad.
Kini bisan kon molu-ag na ang hugot nga pakigbatok sa coronavirus tungod sa pagpaubos sa syudad sa modified general community quarantine sugod karong adlawa.
Miingon si Moreno nga nakaandam na ang syudad sa ipatuman nga adjustments apan nabalaka usab kini sa pagdagsa sa mga residente nga unang stranded sa kauluhan nga manguli pabalik sa syudad.
Ang Cagayan de Oro ang nagbaton na sa 13 Covid-19 patients diin ang ubang niini natakbuyan pinaagi sa local transmission.
Samtang gitugtan na ni Gov Bambi Emano makabiyahe ang mga biyahidor bisan walay travel pass sa bisan asa nga bahin sa Misamis Oriental sugod ning adlawa.
Kini human kabahin ang lalawigan nga gipaubos modified general community quarantine bisan taas ang hadla sa coronavirus disease.
Miingon si Misamis Oriental Provincial COVID-19 Task Force spokesperson Atty Jeffrey Saclot nga gilugwa ni Emano ang kamanduan agi’g pagsanong sa bag-ong tahas sa Inter-Agency Task Force Manila sa miaing semana.
Hisayrang Misamis Oriental na lamang ang pabiling zero positive case sa coronavirus disease sa Northern Mindanao.
