CAGAYAN DE ORO CITY – Dili magpanuko pagpatuman si City Mayor Oscar Moreno sa dismissal order sa grupo ni kanhi kapitan ug karon Puntod Brgy Kag Marvin Beja.
Kini human siloti sa Ombudsman nga paphaon sa puwesto gumikan sa kuwestiyonabli nga govt transaction nga gihimo si Beja kuyog si Puntod Brgy Kag Tyler Sia ug kanhi tresurera Carla Javonillo sa tuig 2015.
Miingon si Moreno nga wala pa niya personal nabasa ang kamanduan batok sa mga sinumbong.
Giakusahan ang mga akusado nga migasto sa dul-ag 40-mil nga pondo sa brgy diin gidapat sa kuwestiyonabli nga ‘drainage declogging’ rason nga guilty sila sa mga kasong serious dishonesty ug pagsupak sa conduct prejudicial to the best interest of the service ug grave misconduct.
Una usab niini,pabiling walay komento ang kampo ni Beja bisan daghang higayon kining gitawagan sa Bombo Radyo.
