CAGAYAN DE ORO CITY – Hangyoon na ni City Mayor Oscar Moreno ang regional IATF nga gamiton ang Alubijid-OWWA Hospital nga temporary treatment management facility alang sa mild COVID-19 cases gikan sa Misamis Oriental.
Kini human nagtoo ang mayor nga igo ra gipasa sa probinsya sa mga kalungsuran ang pag-atiman sa mga residente nga positibo sa bayrus.
Miingon si Moreno nga dako’g matabang ang maong ospital kon mahimong TTMF aron dili dali mapuno ang Northern Mindanao Medical Center alang sa mga pasyente sa bayrus.
Samtang naghimo’g kaugalingon provincial isolation building si Emano dili lamang gitumong alang sa mga pasyente sa COVID-19 apan sa lain pang mga katuyuan sa umaabot nga panahon.
Kini tungod kay dili sila magpahinayak sa gipatukod ni Moreno nga Alubijid-OWWA Hospital nga giingong wala makapasar sa construction standard sa Dept of Health.
Gibutyag sa gobernador nga sukwahi sa panahon ni Moreno,wala nila pasagdi ang walo ka district hospitals aron makahatag sa batakang serbisyo sa katawhan sa lalawigan.
