CAGAYAN DE ORO CITY – Gi-depensahan ni City Mayor Oscar Moreno ang mag-amahang kanhi Sen Nene Jr ug aktibong Sen Koko Pimentel batikos gikan ni Pres Rodrigo Duterte.
Kini human ihulagway ni Duterte nga si Koko nga maoy nakapayagaw sa partido PDP-Laban pinaagi sa paggamit kang Sen Manny Pacquiao.
Miingon si Moreno nga sukwahi sa political statement ni Duterte,pinangga sa katawhan sa dakbayan si Tatay Nene tungod sa prinsipyo ug krusada pagpanalipod sa tawhanong katungod batok sa rehimeng Marcos.
Una niini,gi-insulto ni Duterte si Sen Koko nga bisan pagdagan pagka-kapitan sa brgy ang maglisod kini’g daug sa katungdanan.
Gihimo kini ni Duterte mismo sa gitawag nila nga nasudnong tigom diin gipapha nila si Pacquiao isip presidente ug gihulip si Dept of Energy Sec.Alfonso Cusi sa miaging semana.
Hisayrang nagkabangi ang duha ka panig kay lauman nga dunay lain-laing mga kandidato sila nga ituboy sa taliabot nga 2022 elections sa nasud.
