CAGAYAN DE ORO CITY – Giakusahan ni City Mayor Oscar Moreno nga mugna ug imbento ni MisOr Provincial Task Force on COVID-19 chairman Dr Jerie Calingasan ang reklamo batok kaniya nga gipaabot sa hotline 8888 sa Malakanyang.
Kini human gibulgar ni Moreno nga si kanhi Jasaan tourism officer Leona Fe Cabagnot ang babaye nga nagpaabot sa reklamo batok sa giingong pagpasagad niini nga pagsumpo sa COVID-19 sa syudad.
Dugang sa mayor nga drama lamang nila ni Calingasan ug MisOr tourism dept head AttyJeffrey Saclot ang pagsumbong-sumbong aron gub-on ang iyang pagkatawo.
Samtang gihinaut ni Calingasan nga magbaton sa kalinaw,paglaum ug pagkamatinud-anon si Moreno.
Kini ang tubag ni Calingasan batok sa pasangil nga siya ang utok sa 8888 hotline complaint sa usa ka babaye aron pakaulawan si Moreno ngadto sa Malakanyang.
Miingon sa Calingasan nga dili niini kinaiya nga manghilabot sa kinabuhi sa ubang tawo kay pokus lamang kini sa iyang trabaho.
