CAGAYAN DE ORO CITY – Gipalig-on pa ang pagpatuman sa pag-contain sa mga lugar diin natala ang positibong kaso sa coronavirus disease ning syudad.
Kini human nagpagawas sa executive order si City Mayor Oscar Moreno aron ipaubos sa focus containment ang Sitio San Jose,Upper Nazareth diin nagsumikad ang ika-30 nga COVID positive nga returning OFW.
Miingon si Moreno nga kanunay na kining himoon sa kon may mga lugar sa syudad nga dunay matala nga positibo sa bayrus.
Samtang naka-house quarantine ang dul-ag gatus ka pamilya diha sa Sitio San Jose,Upper Nazareth ning syudad.
Kini human nag-positibo ang usa ka returning OFW nga unang naka-isolate sa city isolation unit apan nakauli ug nagpakaon sa ilang mga silingan diha sa lugar.
Miingon si Nazareth Punong Brgy Maximo Rodriguez III nga gilayong gipatuman nila ang area containment subay usab sa rekomendasyon sa city health office.
Gibutyag ni Rodriguez nga nabalik na usab sa isolation facility ang OFW ug na-contact na ang 18 ka tawo nga ulahi nga gikauban niini niadtong miaging semana.
