CAGAYAN DE ORO CITY-Mibukal pagbalik ang kainit sa bangi sa politika tali City Mayor Oscar Moreno ug Provincial Gov Bambi Emano ning syudad.
Kini human gilugwa sa Ombudsman ang laing dismissal order batok Moreno resulta sa giingong pagpa-special audit ni Emano kaniya sa lalawigan.
Miingon si Moreno nga walay lain nila nga matumbok nga utok sa dismissal order gawas sa mga Emano aron maipit lamang siya ug maglisod pag-alagad sa
katawhan sa dakbayan.
Una niini,namugos si Moreno nga walay ilegal sa ilang gihimong transaction kaniadto nga pag-renta sa ekipo sa mga proyekto sa lalawigan bisan wala moagi sa public bidding.
Samtang gi-depensa ni Emano sa laing higayon ang pagpa-special audit sa
kanhi administrasyon ni Moreno.
Miingon si Emano nga tinguha sa special audit nga dili magsagol ang mahimong trabaho nila ni Moreno ug malikay sila kon ugaling adunay mga makit-ang kasaypanan sa pagdumala niini.
Dugang ni Emano nga kon may angay tulisukon ni Moreno,wala lain kon dili mismo ang iyang mismong giingong mga binuhatan samtang nagsilbi pa kining gobernador sa lalawigan.
