CAGAYAN DE ORO CITY-Gituki ni Regional Peace and Order Council o RPOC chairman City Mayor Oscar Moreno kauban si PNP regional director C/Supt Timoteo Pacleb ang pagpakusog sa kampanya batok tambay sa rehiyon.
Kini human nagpahigayon sila’g close door meeting kauban si City Director Sr Supt Nelson Aganon sa Camp Alagar ning syudad.
Miingon si Moreno nga gituki usab nila ang mga lakang unsaon pagpaabot ang serbisyo sa mga tawo nga nag-atubang sa bahad sa insurhensiya sa Caraga ug Northern Mindanao regions.
Nasayran nga nag-una nga prioridad usab sa mga opisyal nga mahatagan sa lig-ong seguridad ang rehiyon batok sa hadla sa terorismo ingon man sa insurhensiya nga makita sa duha ka rehiyon.
