PC:Ms Aicy Soriano of CdeO’s CIO
CAGAYAN DE ORO CITY- Modangop sa Court of Appeals o CA-Manila ang kampo ni City Mayor Oscar Moreno ning semanaha.
Kini aron pangayua’g temporary restraining order o TRO ang ika-24 ka kasong administratibo sa Ombudsman nga naglangkat kaniya sa pagka-mayor sa syudad.
Gibutyag sa legal counsel ni Moreno nga si Atty Dale Brian Mordeno nga iduso nila ang motion for reconsideration o MR sa Ombudsman ug gilayong isunod ang petition sa TRO sa korte batok sa dismissal order ni Moreno.
Si Moreno,gikasuhan sa Ombudsman subay sa reklamo ni Engr Antonio Nuniez Jr kay walay public bidding nga proyekto sa lalawigan kaniadto.
Samtang gikalipay ni Moreno ang pagbalhin sa iyang mga petisyon sa korte aron batukan ang dismissal orders nga gipasaka sa Ombudsman.
Kini human unang giuyunan sa Korte Suprema ang hangyo sa Court of Appeals o CA-Mindanao nga mabalhin sa mga petisyon ni Moreno sa kauluhan.
Miingon si Moreno nga maglisod na ang grupo ni kanhi City Mayor Vicente ‘Dongkoy’ Emano pag-disturbo sa mga mahistrado.
Gitumbok ni Moreno ang pag-rally kaniadto sa grupo ni Emano sa CA-Mindanao dihang nalugwa ang temporary restraining order batok sa dismissal order tungod sa Ajinomoto case.
