PC:Ms Aicy Soriano of CdeO’s CIO
CAGAYAN DE ORO CITY-Kumpirmado nang kabahin si City Mayor Oscar Moreno nga manumpa isip bag-ong miembro sa PDP-Laban gikan sa iyang pagtalikod sa partido Liberal.
Kini human andam na si Moreno kuyog nila ni City Vice Mayor Rainer Joaquin Uy sa pagtambong sa mass oathtaking sa USTP gym sa syudad ning adlawa.
Miingon si Moreno nga mismo si PDP-Laban founder former Senate President Nene Pimentel Jr ang nakadasig kaniya nga mag-interes sa politika sukad sa tuig 1995.
Samtang panguluhan ni Senate Pres Koko Pimentel ang pagpahurar sa mga bag-ong elected official ug ubang indibidwal sa mass oath taking sa PDP-Laban party sa USTP gym karong adlawa.
Miingon si PDP-Laban Cagayan de Oro chapter president Gusa Brgy Kap Marlo Tabac nga kabahin sa mohurar si City Mayor Oscar Moreno,Vice Mayor Kikang Uy ug ubang mga konsehal sa konseho.
Mahidangat usab ang ubang cabinet secretaries ni Pres Rodrigo Duterte diin sila may tahas sa paghimo’g lecture kabahin sa pederalismo sa 7-mil ka partisipante nga gikan sa syudad ug Misamis Oriental.
