CAGAYAN DE ORO CITY – Nabalaka na karon City Mayor Oscar Moreno sa posibleng local transmission sa coronavirus disease o COVID-19 sa syudad.
Kini human wala pa masubay sa local health experts kon nganong natakdan ang 69 anyos nga taga-Sitio Pinikitan,Brgy Camaman-an diin nag-resulta sa paspas niini nga kamatayon sa syudad sa miaging semana.
Miingon si Moreno nga unta dili kini mahitabo rason nga mihangyo siya sa katawhan nga likayan una ang paglakaw-lakaw kon walay importanteng katuyuan.
Hisayrang gisugyot nga ipaubos sa enhanced community quarantine apan kusganong mibalibad si Moreno pagsanong niini.
