CAGAYAN DE ORO CITY – Nabalaka si City Mayor Oscar Moreno sa mahimong dangatan sa Universal Health Care Law nga ipatuman na sa tibuok nasud sa dili madugay.
Kini tungod kay wala pa masayod si Moreno kon unsa ang mahimong direksyon sa maong health program nga gihingusgan ni Pres Rodrigo Duterte.
Miingon si Moreno nga taas ang iyang pagsalig sa health care in insurance apan dili kalikayan nga mobati siya’g kabalaka.
Anaa pa gyud gihapon ang dako nga pagsalig ni Moreno sa Philhealth program nga pila ka tuig nang nagsilbi sa katawhan ayha nakaabot ang Universal Health Care sa Duterte administration.
