CAGAYAN DE ORO CITY-Hulaton ni City Mayor Oscar Moreno nga personal siya ipatawag sa Sandiganbayan aron moatubang sa kasong kriminal nga gipasaka sa Ombudsman batok kaniya.
Kini may kalabutan sa pag-renta sa heavy equipment nga wala moagi sa public bidding nga gimando sa balaod.
Miingon si Moreno nga nagtoo kini nga ma-absuwelto siya sa mga kaso nga iyang giatubang.
Gihimo ni Moreno ang pahayag nunot sa ‘not guilty plea’ ang iyang gihimo dihang gibasahan sa sumbong sa Sandiganbayan sa kauluhan sa miaging semana.
Nagsugod ang kaso ni Moreno ug pipila ka kauban dihang nag-renta nga walay bidding sa rental equipment sa Misamis Oriental.
