CAGAYAN DE ORO CITY – Nagdumili si City Mayor Oscar Moreno paghatag sa grado sa unod sa katapusang SONA ni Pres Rodrigo Duterte sa kauluhan kagahapong adlawa.
Miingon si Moreno nga gilikayan na lamang niini nga mga intriga ug gitugyan sa katawhan ang hukom sa mga nahimo ni Duterte sa iyang pagpangatungdanan.
Miingon ang mayor nga mas maayo nga mopukos na lamang siya sa pagpangita’g paagi nga mapangitaag epektibong sulbad ang suliran nga dala sa pandemya nga grabeng miigo dinhi sa dakbayan.
Samtang perfect nga grado ang gihatag ni ABC Pres Kagawad Alam Lim ngadto kang Duterte.
Gibutyag ni Lim nga maoy iyang gibasehan sa 10 nga grado ang kampanya sa presidente nga batok kriminalidad ug transportasyon.
Dugang ni Lim nga patas usab ang pag bahin-bahin sa programa sa presidente sa Luzon, Visiyas ug Mindanao.
Sa pikas bahin,nakita sa presidente sa Liga ng mga mayores sa Misamis Oriental ug Magsaysay Mayor Rey Buhisan ang nahimong kalampusan ni Duterte ang pagpalambo sa imprastraktura ilabina sa buil-build-build program.
Kini ang rason nga mihatag siya otso nga grado sa presidente atol sa katapusang SONA niini.
Gibutyag ni Buhisan nga natutukan usab sa presidente ang health ilabina sa pakigbatok sa pandemya nga epekto sa COVID-19.
Samtang gihatagan usab sa otso nga grado ni Citizen Watch for Good Governance convenor Atty. Antonio Soriano ngadto kang Duterte atol sa katapusang SONA niini sa kauluhan.
Gibutyag ni Soriano nga nasaysay sa presidente ang mga nahimo niini sa administrasyon ilabina ug giangkon usab niini nga dili makaya ang pagsumpo sa druga ug kurapsyon.
Matud ni Soriano nga ang apan lamang ang mga kamatay sa kampanya batok druga nga walay balidong rason busa otso ang grado niini.
Dugtong usab niini,mihatag sa 5-6 nga grado ang pipila ka kaparian sa simbahang katoliko kang Duterte.
Gibutyag ni Fr. Der John Faborada, Director sa Social Communication Apostolate sa Archdiocese of Cagayan de Oro nga wala sila kaangay sa isyu sa west philippine sea ug extra judicial killings.
Dugang ni Faborada nga kulang usab ang gipakitang lihok sa presidente sa pakigbatok sa COVID-19 sa nasud.
Apan wala kini gikahiimo-ot ang pipila ka grupo sa transport sector sa SONA ni Duterte.
Gibutyag ni Joel Gabatan, regional coordinator sa NCTU nga ‘mala’ kaayo ang report sa presidente sa katawhan diin nakapawala sa ilang gana.
Saysay ni Gabatan nga 5 ang ilang marka sa presidente diin igo lamang nakatungtong sa pasado nga grado.
Samtang bagsak nga grado ang gihatag ni IFI Bishop Felixberto Calang ngadto kang Duterte ilabina sa katapusang SONA niini kagahapon sa kauluhan.
Gibutyag ni Bishop Calang nga napakyas ni Pres Duterte sa saad niini ilabina sa hisgutanang pagkalinaw.
Dugang ni Calang nga pakyas usab si Duterte sa end of contract sa mga mamumuo ug ingon man ang kamatay sa kampanya kontra druga sa nasud.
