CAGAYAN DE ORO CITY – Nagtoo si City Mayor Oscar Moreno nga mo-sentro sa pagsulbad sa coronavirus disease ang SONA ni Pres Rodrigo Duterte ugmang adlawa.
Miingon si Moreno nga ubos sa maong suliran,daghang aspeto sa kinabuhi sa tawo ang grabeng apektado.
Gilauman usab ni Moreno nga ibatbat ni Duterte ang aspeto sa edukasyon nga nakasinati sa dakong hagit ilabina nga mag-abli na ang klase sa Agosto ning tuiga.
Samtang bisan ang grupong Citizens Watch for Good Governance o CWGG ang nagtoo nga maka-pokus ang SONA ni Pres Rodrigo Duterte sa isyu sa coronavirus disease.
Namahayag si CWGG convenor Atty Antonio Soriano nga naglaum usab kini nga i-depensa ni Duterte ang kontrobersyal nga anti-terror law nga gisupak sa 14 ka grupo sa nasud.
Nagdumili na usab si Soriano paghatag grado sa performance ni Duterte apan giaghat ang katawhan nga suportahan ang mga programa sa gobierno.
