CAGAYAN DE ORO CITY – Giakusahan ni City Mayor Oscar Moreno nga pagpanimalos ang gihimo ni Misamis Oriental Provincial Task Force on COVID-19 chairman Dr Jerie Calingasan batok kaniya.
Kini human giingong gikasakit ni Calingasan nga wala siya dawata aron mahimong city health officer sa syudad.
Miingon si Moreno nga kon unsa man ang kasuko ni Calingasan,angayang dili niini damayon ang katawhan sa dakbayan.
Samtang giklaro ni Misamis Oriental Provincial Task Force on COVID-19 chairman Dr Jerie Calingasan nga wala niya dumti si City Mayor Oscar Moreno.
Kini bisan kon makatulo nga gibalibaran ni Moreno ang iyang aplikasyon aron makauban sa administrasyon niini sa syudad.
Miingon si Calingasan nga wala sa iyang kinaiya nga modumot sa tawo sukwahi sa pasangil ni Moreno batok kaniya.
