CAGAYAN DE ORO CITY – Gikataw-an lamang ni City Mayor Oscar Moreno ang daw pag-alingasa sa iyang alyado nga si Kag Zaldy Ocon kabahin sa renovation o pagpanindot sa menteryo diha sa Bolonseri,Brgy Camaman-a ning syudad.
Kini human gi-kuwestiyon ni Ocon kon nganong gipamugos ni Moreno ang pagpausab sa maong sam-ang ilabina nga taliabot ang 2022 elections.
Miingon ang mayor nga nakurat kini sa gipakitang taras sa konsehal apan sa gihapon dili nila siya isalikway sa pagka-ngalan nga ilang kauban sa team kaabag sa syudad.
Si Moreno ang kandidato pagka-gobernador ubos sa partido PROMDI apan ang kandidatura ni Vice Pres Leni Robredo ang suportahan niini sa sunod tuig nga piliay.
Dumduman nga giakusar ni Ocon nga posibleng dunay 10 porsiento nga madawat ang mga kauban niyang opisyal gikan sa 400 milyon pesos nga pondo rason nga gipamugos ang re-devt sa public cemetery.
