CAGAYAN DE ORO CITY – Nakasaway ni City Mayor Oscar Moreno kon nganong dili ‘centralize’ ang sistema sa kalungsuran kabahin sa pag-atiman sa pipila ka residente nga natakdan sa coronavirus sa Misamis Oriental.
Kini ang katarungan nga gitanyag ni Moreno nga dad-on na lamang ug mismo ang syudad ang moatiman sa mga positibong pasyente sa bayrus gikan sa kalungsuran.
Gihimo sa mayor ang pahayag tungod sa pagpasira sa provincial hospital sa Balingasag diin upat sa ilang mga empleyado ang positibo sa bayrus.
Una nang gisupak ni Moreno kinsa taga-Balingasag ang pagpasira sa maong ospital sugod sa miaging semana.
Samtang dili mabut-an ni City Mayor Oscar Moreno kon unsa man ang nahukman sa provincial govt nga temporaryo nga pagpasira sa ospital nga nakabase sa lungsod sa Misamis Oriental.
Miingon si Balingasag Mayor Alexis Quina nga mas nasayod ang probinsya kon nganong angay sirad-an una ang ospital tungod sa dala nga peligro nga mapun-an ang ihap sa mga pasyente nga matakdan sa bayrus.
Sa pagsira sa ospital,apektado ang mga residente nga tuyo mangayo’g serbisyo sa medikal gikan sa lungsod sa Salay,Binuangan,Kinoguitan,Sugbongcogon ug porsyon sa Jasaan ning lalawigan.
