CAGAYAN DE ORO CITY – Nalipay si City Mayor Oscar Moreno sa kadaugan ni Carlo Paalam kontra Khamphouvanh Khamsathone sa Lao sa nagpadayong 30th SEA Games didto sa sa Philippine International Convention Center sa Pasay City sa kauluhan.
Miingon si Moreno nga garbo kaayo niya ang kalampusan nga naangkon sa boksidor ilabina nga gi-monitor niini ang tanang away ni Paalam.
Dugtong niini, nangayo’g dugang pag-ampo ang alkalde sa mga residente sa syudad alang sa kadaugan ni Paalam kontra Malaysia karong adlaw’ng Biyernes.
Masaligon si Moreno nga makuha sa Cagayan de Oro pride ang silver medal ug ang bulawan nga medalya tungod sa talagsaong talento nga gibatonan niini sa natad sa pamoksing.
Samtang hatagan sa hero’s welcome sa kagamhanang lokal si Paalam kon makauli sa Talakag,Bukidnon.
Kini ilabina nga nalatid sa ilang ordinansa ang pahatag sa pag-ila ug insentibo sa mga atleta nga mohimo’g mga away sa international games sama sa Southeast Asian Games nga giapilan ni Paalam ning tuiga.
Gihimo ni Talakag Municipal Administrator Alberto Bigcas dungan sa ilang pagpaabot sa suporta kang Paalam diin sila personal misaksi kuyog ang 29 ka brgy kapitanes sa Pasay City.
Maoy gipildi ni Paalam si Lao silver medalist Khamsatone Khampouvanh via unanimous decision.
