CAGAYAN DE ORO CITY – Gikasubo ni City Mayor Oscar Moreno ang kamatayon sa batang special child nga naapil pagkasunog sa 11 ka balay diha sa Western Kolambog,Brgy Lapasan ning syudad.
Kini human natulog ang biktima nga si Thalia Rocero,16 anyos sa ikaduhang andana sa ilang balay dihang natigayon ang sunog.
Miingon si Moreno nga gihulat niini ang opisyal nga report sa Bureau of Fire Protection o BFP aron basehan sa CSWD nga mahatagan sa tabang-pinansyal ang daghang pamilya nga apektado sa sunog.
Una nang gibutyag ni BFP City Chief of OperationsFire Insp Sam Lawrence Velarde nga anaa sa 350-mil pesos ang structural damage samtang gisuta pa ang hinungdan sa maong sunog kagahapon sa hapon.
Samtang miapelar sa laing ayuda si Lapasan Brgy Kap Julito Ogsimer alang sa iyang mga residente nga apektado sa dakong sunog.
Kini human subli gisulayan ang kalig-on sa katawhan tungod sa sunod-sunod nga trahedya sa sa maong lugar.
Miingon si Ogsimer nga anaa sa covered court temporaryo nagpasilong ang inisyal 19 ka pamilya nga nawad-an sa pinuy-
anan ug kabtangan.Mihangyo si Ogsimer nga unta mapuslan pa nga kagamitan sama sa mga sinina ug uban pa ang mahatag sa mga tawo nga malumo ang kasingkasing aron diretso magamit sa mga biktima sa sunog.
