CAGAYAN DE ORO CITY-Pabor si City Mayor Oscar Moreno nga wad-an sa signal ang mga telepono o cellphones sa
kasaulugan sa kapistahan sa itom nga Nazareno sa syudad sa Enero 9 ning tuiga.
Miingon si Moreno nga importante ang
maong lakang kon mas gikinahanglan pag-ayo sa security sector aron dili mabalda ang dakong kalihukan sa
simbahan.
Namahayag si Moreno nga patun-an niya ang maong sugyot aron sayo makapangandam ang katawhan sa
syudad ug mismong mga deboto nga gikan pa sa laing lugar nga makig-duyog sa kapistahan sa maong adlaw.
Samtang sugdan na’g patuman sa kapolisan kauban ang militar ang paghugot sa seguridad alayon sa kapistahan sa itom nga Nazareno sa syudad.
Miingon si Cagayan de Oro City Police Office spokesperson Police Supt Mardi Hortillosa nga halos
walay kabag-uhan nga ipatuman gawas lamang kon dunay e-komendar ang ubang sektor nga makatabang sa paghatag
seguridad sa libuang deboto sa kapistahan sa Enero 9 ning tuiga.
Dugang ni Hortillosa nga tuyo niini nga dili makasulod ang mga tawo nga nagtinguha isabotahe ang seguridad sama sa pagpamomba diin duha ka tawo ang namatay atubangan sa mall sa Cotabato City.
Samtang gipanganti ni 4th ID,Philippine Army commander Maj Gen Ronald Villanueva nga dili basta-basta magawas ang pundok mangahas pagsabotahe sa seguridad sa syudad.
Kini bisan nga may nahitabo pagbuto sa bomba diin duha ka tawo ang namatay samtang laing kapi’g 30 ang samaron sa
Cotabato City.
Miingon si Villanueva nga may mga pundok sa ubang lugar nga mohimo’g pagpahulay sa syudad tungod sa pagka-malinawon niini.
Apan pasidaan ni Villanueva nga dili sila angay manghasi kay lisod kining magawas tungod sa kahugot sa seguridad.
