CAGAYAN DE ORO CITY – Walay angayan basulon kon nganong na-TRO ang 2020 budget sa probinsya gawas lamang sa mayoriya sa Sangguniang Panlalawigan sa Misamis Oriental.
Kini ang obserbasyon ni City Mayor Oscar Moreno tungod sa pagkaipit sa batakang serbisyo alang sa katawhan sa probinsya.
Miingon si Moreno nga kon wala lamang abusari sa mayoriya ang ilang trabaho,dili mahimong ilegal ang pagkapasar sa pondo alang ning tuiga.
Samtang gitambagan sa mayoriya sa SP-Misamis Oriental si Moreno nga dili na manghilabot kon unsa ang mga kalihukan sa lalawigan.
Kini ang tubag ni administration SP board member Gerardo Sabal III nunot sa pagbasol ni Moreno sa mayoriya sa lalawigan sa gidangatan sa pondo ning panahona.
Miingon si Sabal nga unta ipukos ni Moreno ang pag-atiman niini sa mga nag-unang suliran sa syudad ilabina ang pagsaka sa kaso sa COVID-19.
