CAGAYAN DE ORO CITY-Naglaum si Eddie Rotoras nga masikop na sa kapolisan ang utok sa pagpatay sa iyang igsoon nga si Dr Ricardo Rotoras.
Siya miingon nga nagpabilin pa gihapon ang 2.5 million nga reward alang sa makatudlo sa mastermind sa pagpapatay sa iyang igsoon.
Nanghinaut si Rotoras nga mas daghan pang kalambuan sa imbestigasyon sa kaso sa kapolisan ilabina nga may nadakpan na sila nga usa sa mga person of interest.
Nagpahigayo’g misa ang pamilya isip ika-40 dias sa kamatayon ni Rotoras ingon man pagpasalamat sa kalambuan sa kaso karong hapon.
Samtang masaligon si City Mayor Oscar Moreno nga masulbad na sa kapolisan ang kasong pagpatay kang Rotoras sa pinakadaling panahon.
Matud ni Moreno nga kanunay siyang gapangayo’g update kang City Police Director Sr/Supt Roy Bahian sa kalambuan sa kaso.
Gani, personal na nga nanawagan si Moreno sa mga naka-witness sa krimen nga mokooperar sa gihimong imbestigasyon sa kapolisan.
Abli usab ang iyang buhatan alang sa mga magsilbing witness sa nahitabong krimen.
