CAGAYAN DE ORO CITY – Kumpiyansa si Regional Peace and Order Council o RPOC chairman City Mayor Oscar Moreno nga dili mabugto ang maayong relasyon ni US Pres Donald Trump ug Pres Rodrigo Duterte.
Kini bisan kon gipatuman ni Trump ang balaod diin nag-kanselar sa travel visa sa pipila ka Philippine govt officials nga unang giakusar ni detaited Sen Leila de Lima nga nag-ipit kaniya tungod sa politika.
Miingon si Moreno nga makita nga ganado si Trump sa liderato ni Duterte ilabina sa kampanya kontra illegal nga droga sa nasud.
Masaligon si Moreno nga masulbad ra ni Duterte ang gamay’ng bikil sa Pilipinas ug Estados Unidos.
Kini human nagbahad si Duterte nga kanselehon ang Visiting Forces Agreement o VFA tali sa Pilipinas ug Amerika.
Miingon si Moreno nga dili maayo nga maguba ang relasyon sa duha ka alyadong nasud tungod lamang sa pagkanselar sa visa ni Sen Ronald de la Rosa.
Dugang sa mayor nga nakasiguro kini nga may giandam na nga mga lakang ang security cluster ni Duterte ilabina kon mograbe ang bangi sa Amerika ug Pilipinas.
