CAGAYAN DE ORO CITY-Uyon si Regional Peace and Order Council chairman City Mayor Oscar Moreno nga
lugwayan ang martial law sa Mindanao.
Kini human unang gibutyag ni Executive Secretary Salvador Medialdea nga hayan i-rekomendar nila kang Pres Rodrigo Duterte nga ma-extend ang martial law tungod sa pagpamomba diin tulo ka tawo ang patay ug dul-ag 40 ka samaron sa Isulan,Sultan Kudarat.
Miingon si Moreno nga katungod ni Pres Duterte nga panalipdan ang seguridad sa katawhan batok sa mga peligro nga dala sa mga terorismo.
Gihupay ni Moreno nga dako’g kalainan ang martial law ni Duterte itandi sa gipatuman ni late Pres Ferdinand Marcos Sr sa nasud kaniadto.
